Ásbjörg Ísabella Magnúsdóttir

ÉG VAR AÐ LAGA -MY SPEED-

Hlustið á My Speed núna, það er alveg tilbúið, á bara eftir að fara með það í masteringu.

TEXTINN VIÐ NÝJA LAGIÐ - ÚTSPRUNGIN RÓS

TIL MÖMMU MINNAR. HLUSTIÐ

Útsprungin Rós

Ég opna augun,
allt er sem fyrr.
Þangað til núna fannst mér
tíminn standa kyrr.
Í huganum ég sé þig
með mig í fangi þér.
Sem barn ég átti erfitt
með að hleypa þér að mér.

Augun opnast - hjartað með.
Þokan hverfur - sálin sér
að þú ert...

útsprungin rós
á þyrniprýddum sprota.
Margbrotið ljós
úr einum daggardropa.
Útsprungin rós
á þyrniprýddum sprota.
Margbrotið ljós
úr einum daggardropa.

Ég sýp hveljur,
hjarta mitt slær hratt.
Mér um lífið
þú sagðir margt svo satt.
"Aðgát skal höfð
í nærveru sálar -
láttu ekki freistingarnar
draga þig á tálar."

Augun opnast - hjartað með.
Þokan hverfur - sálin sér
að þú ert...

útsprungin rós
á þyrniprýddum sprota.
Margbrotið ljós
úr einum daggardropa.
Útsprungin rós
á þyrniprýddum sprota.
Margbrotið ljós
úr einum daggardropa.

Nú er ég kona,
loksins orðin stór.
Þarf ekki að leita langt
hvert barnið í mér fór.
Það hvílir ennþá
í fangi þínu rótt
og raular vögguvísur
dag sem dimma nótt.

Augun opnast - hjartað með.
Þokan hverfur - sálin sér
að þú ert...

útsprungin rós
á þyrniprýddum sprota.
Margbrotið ljós
úr einum daggardropa.
Útsprungin rós
á þyrniprýddum sprota.
Margbrotið ljós
úr einum daggardropa.

Í fegurð augna þinna
liggur heimsins ást.
Þar leynist sársauki
og ör sem ekki sjást.
Þú hefur barist
óteljandi stríð.
Útsprungin rós sem
mun blómstra um alla tíð.

Augun opnast - hjartað með.
Þokan hverfur - sálin sér
að þú ert...

útsprungin rós
á þyrniprýddum sprota.
Margbrotið ljós
úr einum daggardropa.
Útsprungin rós
á þyrniprýddum sprota.
Margbrotið ljós
úr einum daggardropa.

ÉG MÆLI MEÐ...

að þið hlustið á þessi lög = Mind My Heart - I´m On Fire - I Care For You - Are You Confused - Without A Doubt - 4 Thumbs Up - My Speed - Wicket Game - þ.e.a.s. ef þið eruð að pæla í að hlusta eitthvað á lögin mín.

GAMAN VÆRI......

að fá einhver comment frá ykkur elsku fólk. Plís einhver skrifa eitthvað.

ER BÚIN AÐ LAGA LAGIÐ

Ég lagaði Mind my heart. Hlustið núna!

NÝTT LAG - MIND MY HEART

Ég var að henda inn nýjasta laginu mínu - var að klára að taka það upp en á samt eftir að vinna það helling....Það er smá rapp (eða hvað þetta er) í því. Ég breytti röddinni minni í karlmannsrödd.....sniðugt hehe.....en hér er amk smá smakk fyrir ykkur. Það heitir Mind My Heart.

NÝTT LAG

HLUSTIÐ Á "I Care For You"

HEY

KÍKIÐ Á MIG Á www.myspace.com/kodeknacker

NÝTT LAG

Hlustið á nýja lagið mitt - My Speed. Endilega commentið....hey, það hjálpar mér bara.

NÝ LÖG

Hlustið á Wicket Game, 4 Thumbs Up og Are You Confused.

Lagaði nýja lagið

Hlustið núna á nýja lagið, búin að laga það.

NÝTT LAG

4 Thumbs Up. Hlustið! Er líka með það á www.myspace.com/kodeknacker

ÚFFFF

NÝJA LAGIÐ FOKKING SÖKKAR! Best að slá sjálfan sig tvisvar utan undir og taka sig saman í andlitinu. Hvað var ég að hugsa...........? Vil ekki vita það. En hey.....margt spennandi á döfinni.

Nýtt lag

Tjékkið á nýja laginu mínu "Gold". Tók það upp í gær og það er ennþá á algjörum byrjunarreit - á eftir hellings vinnu við það.

NÝ LÖG

Hlustið á nýju lögin mín. Þau heitia "Without a doubt" og "Step on it". Plís commentið.

Ég hlakka til.....

Ég var að fá íbúð áðan.....loksins. Fín íbúð og flott hverfi. Það mátti ekki seinna vera því ég var að missa eldmóðin og kjarkinn sem þarf til að standa í þessu kjaftæði - þ.e.a.s. að finna sér íbúð og flytja. Ég kem líka til með að vera þarna leeengi og ætla að koma undir mig fótunum í fyrsta skiptið í tæp sex ár. Er komin með rosalega leið á því að vera eins og laus helíum-blaðra sveimandi um háloftin í rokinu. Ég stefni á að vakna frekar snemma framvegis og rölta í uppáhalds sundlaugina mína, taka þar nokkrar bringusunds-umferðir og svo nokkrar mínútur í gufu. Ég stefni á að byrja aftur að skokka og eyða meiri tíma utandyra, eins og ég var vön að gera. Í þetta skiptið ætla ég ekki að fá vera með hund né kött á heimilinu - heldur var ég að spekjúlera að taka son minn með í dýrabúð og kaupa handa honum naggrís eða hljóðlátan fugl (ef svoleiðis er þá til). Ég hlakka til að eignast aftur það skipulag sem hefur fylgt mér og hentað mér best í gegnum tíðina. Ég hlakka til sumarsins.

I feel good

Hæ allir. Rosalega líður mér vel í dag. Sólin skín og allt stefnir upp á við - sem er gott. Ég er að ná aftur eðlilegum húðlit og heilsu eftir ákveðin "veikindi" og í dag líður mér bara nokkuð vel. Ég er að fara í sund á eftir og svo er stefnan sett á ball á morgun á Sódómu Reykjavík.

Hæ hæ

Jæja kæra fólk. Það hefur nú ýmislegt á mína daga dregið. Ég spilaði á Cafe Cultura fyrir viku síðan og það gékk ágætlega fyrir utan nokkur tæknileg vandræði. Ég fékk ekki ómerkilegan áhorfendahóp og þar má nefna td Megas, sem kom sérstaklega til að sjá mig spila. Hann sagðist vera nokk ánægður með framistöðu mína Tounge

sem er mjög gott segi ég. Kettlingarnir mínir blómstra og eru búnir að opna augun. Hvílíku dúllurnar sem þeir eru. Annars er ekki mikið í fréttum svo sem. Ég bara róleg og lífið gengur. Ég hef ekki verið mjög virk hérna á netinu undanfarið, fékk eiginlega bara hálfgert ógeð á þessu. En ég virðist eitthvað vera að komast í gang aftur. Sjáum til. Bæ í bili.

Ég er orðin amma

Ég er reyndar bara rétt að ná andanum fyrst núna eftir þessa viðburðaríku nótt. Eins og sum ykkar kannski vissuð þá var Kisan mín kettlingafull og reyndar alveg við það komin að eiga. Í gærkvöldi skrapp ég út og vegna kuldabolans ógurlega þá lokaði ég öllum gluggum hérna heima - án þess að taka eftir því að Kisa greyið var ennþá úti. Svo þegar ég kom aftur heim, einhverntímann eftir miðnætti, áttaði ég mig á því hvað ég hafði gert en Kisan mín var hvergi sjáanleg. Ég opnaði strax glugga, hvissaði nokkrum sinnum út um hann og kallaði á hana. Nokkrum mínútum síðar kemur hún reyndar askvaðandi inn, hleypur beint að vatnsdallinum sínum og svelgir í sig vatni - gríðarlega þyrst. Þetta fannst mér nú eitthvað skrítið svo ég tek hana í fangið og átta mig þá á því í sömu andrá að hún er einfaldlega ekki kettlingafull lengur, bara orðin þvengmjó. Mér brá hrottalega og varð svo mikið um þetta að ég þurfti algjörlega á allri minni rökhugsun, yfirvegun og styrk að halda til þess að ná að bregðast sem réttast við. Það mátti bara alls ekki fara ein einasta sekúnda til spillis eftir þetta augnarblik því einhvernstaðar þarna úti í frostinu lágu nýfæddu kettlingarnir og líftími þeirra ekki lengri en nokkrar mínútur við þessar kringumstæður. Ég henti mér í skó og úlpu og hlóp að glugganum sem Kisa hafði komið inn um. Þaðan náði ég að fylgja sporunum hennar í snjónum alla leiðina þvert yfir garðinn að háu grindverki sem liggur að garði nágrannans, svo hinum megin við heyrði ég í fjarska dauflegt mjálm. Ég stökk yfir grindverkið, gékk hér um bil hálfan hinn garðinn í áttina að mjálminu, fleygði mér svo ofan á stóra hrúgu af svörtum ruslapokum sem þar hefur verið staflað og tróð öðrum handleggnum inn á milli þeirra fyrir um það bil miðju hrúgunnar. Ég teygði mig svo alveg niður við jörðu og þar loksins ofan í ísköldu snjóhreiðri fann ég þrjá, nákalda litla glæ-nýfædda kettlingana. Þeir voru svo nýfæddir að fylgjurnar voru ennþá áfastar þeim við naflastrengina. Ég fór umsvifalaust úr úlpunni og vafði þá inn í hana svo hlóp ég eins og mínir stuttu fætur toguðu með þá beinustu leið inn í hlýjuna. Kisa greyið skildi ekkert í þessum látum en varð hin fegnasta að sjá kettlingana sína. Ég kom þeim huggulega fyrir í bælinu sem ég útbjó handa þeim um daginn og Kisa lagðist þangað líka og hóf að þvo þeim og sinna. Ég var stjörf yfir þeim algjörlega fyrsta hálftímann og hjálpaði til meðal annars við að setja þá á spena og þess háttar, gat bara engan veginn slitið mig frá. En svo þegar ég fór aðeins að mýkjast og anda aftur eðlilega þá missti ég líka þróttinn og lak máttlaus niður í sófann. Það sló mig svo fast hversu litlu mátti þarna muna og ég hefði í fúlustu alvöru aldrei jafnað mig á því ef þetta hefði farið illa. En ég finn til þakklætis og gleði að hafa náð að bjarga þeim og ég get ekki beðið eftir að kynnast þeim betur. Nóttin var ljúf en Kisa ákvað í morgun að bælið væri ekki alveg nógu kósí - svo hún færði kettlingana yfir í neðstu hilluna í fataskápnum mínum og nú kúra þau þar saman í hlýjunni og örygginu.